पुणे, (प्रतिनिधी) २९ जानेवारी - बारामती येथील अनियंत्रित विमानतळावर (Uncontrolled Airfield) बुधवारी सकाळी एक भीषण दुर्घटना घडली. प्रशिक्षणासाठी वापरल्या जाणाऱ्या VI-SSK या विमानाचा धावपट्टीवर उतरण्यापूर्वीच अपघात झाला. या दुर्घटनेत विमानाने पेट घेतला असून, विमान अपघात तपास विभागाने (AAIB) या घटनेच्या चौकशीचे आदेश दिले आहेत. यासंदर्भात हवाई वाहतूक संचालनालयाने (डीजीसीए) अधिकृतपणे माहिती जाहीर केली आहे.
नेमका घटनाक्रम काय?
हवाई वाहतूक नियंत्रण (ATC) कक्षाकडून मिळालेल्या माहितीनुसार, या अपघाताचा थरार सकाळी ८:१८ वाजल्यापासून सुरू झाला:
सकाळी ०८:१८: विमानाचा बारामती केंद्राशी पहिला संपर्क झाला. विमान ३० नॉटिकल मैल अंतरावर असताना पुणे केंद्राकडून त्यास पुढील प्रवासाची परवानगी मिळाली.
हवामानाचा अंदाज: वैमानिकांनी वारे आणि दृश्यमानतेबाबत (Visibility) चौकशी केली असता, वारे शांत असून दृश्यमानता ३००० मीटर असल्याचे सांगण्यात आले होते.
पहिला अयशस्वी प्रयत्न: धावपट्टी क्रमांक ११ वर उतरण्याचा प्रयत्न करताना वैमानिकांना धावपट्टी स्पष्ट दिसत नव्हती. त्यामुळे त्यांनी सुरक्षिततेचा उपाय म्हणून 'गो अराउंड' (पुन्हा उड्डाण करून वळण घेणे) करण्याचा निर्णय घेतला.
दुसरा प्रयत्न आणि संपर्क तुटला: दुसऱ्या प्रयत्नात सकाळी ८:४३ वाजता विमानाला उतरण्यासाठी 'क्लिअरन्स' देण्यात आला. मात्र, विमानातील कर्मचाऱ्यांकडून कोणताही प्रतिसाद (Readback) मिळाला नाही.
अन् आगीच्या ज्वाळा दिसल्या: काही सेकंदातच, म्हणजेच सकाळी ८:४४ वाजता धावपट्टी क्रमांक ११ च्या सुरुवातीच्या भागाजवळ (Threshold) एटीसीला आगीच्या ज्वाळा दिसल्या.
तातडीने मदतकार्य सुरू
अपघात झाल्याचे लक्षात येताच विमानतळावरील आपत्कालीन सेवा आणि अग्निशमन दलाच्या गाड्या घटनास्थळी रवाना झाल्या. विमानाचे अवशेष धावपट्टीच्या डाव्या बाजूला विखुरलेल्या अवस्थेत सापडले आहेत.
उच्चस्तरीय चौकशीचे आदेश
या गंभीर अपघाताची दखल घेत विमान अपघात तपास विभागाने (AAIB) तपासाची सूत्रे हाती घेतली आहेत. विभागाचे महासंचालक स्वतः घटनास्थळी दाखल होत असून, तांत्रिक बिघाड की मानवी चूक, या दिशेने तपास केला जाणार असल्याचे 'डीजीसीए' (DGCA) कडून सांगण्यात आले आहे.
?ref_src=twsrc%5Etfw">January 28, 2026मेसर्स वीएसआर वेंचर्स प्राइवेट लिमिटेड का लीयरजेट 45 विमान (VT-SSK) बारामती हवाई अड्डे पर दुर्घटनाग्रस्त pic.twitter.com/TklYlD3Jx8
— DGCA (@DGCAIndia)
