नवी दिल्ली, (प्रतिनिधी) १५ मे - देशभरातील लाखो विद्यार्थ्यांचे भवितव्य टांगणीला लावणाऱ्या 'नीट' (NEET UG 2026) परीक्षेबाबत अखेर मोठी बातमी समोर आली आहे. पेपरफुटीच्या गंभीर प्रकारामुळे ३ मे रोजी झालेली परीक्षा रद्द केल्यानंतर, आता २१ जून २०२६ रोजी ही परीक्षा पुन्हा घेतली जाईल, अशी अधिकृत घोषणा नॅशनल टेस्टिंग एजन्सीने (NTA) केली आहे.
का रद्द झाली होती परीक्षा?
राजस्थानातील सीकरमध्ये परीक्षेपूर्वीच 'गेस पेपर'च्या नावाखाली प्रश्नपत्रिका फुटल्याचा प्रकार समोर आला होता. तपासात धक्कादायक माहिती उघड झाली:
विकल्या गेलेल्या 'गेस पेपर'मधील १२० ते १३५ प्रश्न मुख्य परीक्षेत जसेच्या तसे आले होते.
यात सर्वाधिक साधर्म्य रसायनशास्त्र (Chemistry) विषयाच्या प्रश्नांबाबत होते.
प्राथमिक चौकशीत हा योगायोग नसून 'पेपरफुटी' असल्याचे स्पष्ट झाल्याने एनडीएने परीक्षा रद्द करण्याचा धाडसी निर्णय घेतला.
विद्यार्थ्यांनो 'हे' लक्षात ठेवा: गोंधळून जाऊ नका!
पुनर्परीक्षेची घोषणा झाल्यानंतर विद्यार्थ्यांच्या मनात अनेक प्रश्न आहेत. त्याबाबतची स्पष्टता खालीलप्रमाणे आहे:
काही महत्त्वाच्या गोष्टी
पुन्हा रजिस्ट्रेशन करावे लागेल का? नाही. आधीचा डेटाच ग्राह्य धरला जाईल.
पुन्हा फी भरावी लागणार का? नाही. जुनी फी वैध राहील, नवीन पैसे भरण्याची गरज नाही.
प्रवेशपत्र (Admit Card) कधी मिळणार? परीक्षेच्या काही दिवस आधी नवीन Admit Card प्रसिद्ध होतील.
परीक्षा केंद्र बदलणार का? तुम्ही दिलेले पर्याय तेच राहतील, पण वाटप करताना NTA बदल करू शकते.
वेळापत्रक कोलमडणार, पण विद्यार्थ्यांना संधी!
ही परीक्षा आता जून अखेरीस होत असल्याने वैद्यकीय प्रवेश प्रक्रिया (Admission Process) लांबणीवर पडण्याची शक्यता आहे. मात्र, वर्षभर मेहनत करूनही पेपरफुटीमुळे संतापलेल्या विद्यार्थी आणि पालकांसाठी ही एक नवीन संधी मानली जात आहे.
महत्त्वाची सूचना: परीक्षेचे सविस्तर वेळापत्रक आणि इतर अपडेट्ससाठी विद्यार्थ्यांनी NTA च्या अधिकृत वेबसाईटला वेळोवेळी भेट द्यावी.