मुंबई, (प्रतिनिधी) ११ मार्च - क्रिकेटप्रेमी ज्या क्षणाची आतुरतेने वाट पाहत होते, त्या जगातील सर्वात श्रीमंत क्रिकेट लीग अर्थात 'इंडियन प्रीमियर लीग' (IPL) २०२६ च्या पहिल्या टप्प्याचे वेळापत्रक अखेर जाहीर झाले आहे. २८ मार्चपासून या रणसंग्रामाला सुरुवात होत असून, पहिल्या सामन्यात गतविजेता रॉयल चॅलेंजर्स बेंगळुरू (RCB) संघ सनरायझर्स हैदराबादशी (SRH) भिडणार आहे.
निवडणुकीच्या सावटाखाली दोन टप्प्यात नियोजन
देशातील काही राज्यांमध्ये होणाऱ्या विधानसभा निवडणुकांच्या तारखा लक्षात घेता, बीसीसीआयने यंदाही आयपीएलचे वेळापत्रक दोन टप्प्यात जाहीर करण्याचा निर्णय घेतला आहे. सध्या २८ मार्च ते १२ एप्रिल या कालावधीतील पहिल्या २० सामन्यांचा कार्यक्रम समोर आला असून, उर्वरित वेळापत्रक निवडणूक आयोगाच्या घोषणेनंतर प्रसिद्ध केले जाणार आहे.
पहिल्या २० सामन्यांत कोणत्या संघाला किती संधी?
पहिल्या टप्प्यात सर्व १० संघांना मैदानात उतरण्याची संधी मिळणार आहे. सामन्यांचे वितरण खालीलप्रमाणे आहे:
४ सामने: RCB, KKR, RR, CSK, DC, PBKS, GT आणि LSG.
३ सामने: MI आणि SRH.
महत्त्वाच्या लढती आणि वैशिष्ट्ये
आरसीबीची घरच्या मैदानावर सुरुवात: २८ मार्चला बेंगळुरूच्या एम. चिन्नास्वामी स्टेडियमवर सलामीचा सामना रंगेल.
मुंबई इंडियन्सचा पहिला सामना: हार्दिक पांड्याच्या नेतृत्वाखालील मुंबई इंडियन्स २९ मार्चला वानखेडेवर कोलकाता नाईट रायडर्सविरुद्ध (KKR) मोहिमेला सुरुवात करेल.
गुवाहाटीत राजस्थानचे 'होम ग्राऊंड': राजस्थान रॉयल्स आपले पहिले तीन घरचे सामने गुवाहाटी येथे खेळणार आहे. ३० मार्चला त्यांचा सामना चेन्नई सुपर किंग्सशी होईल.
डबल हेडरचा धमाका: ४, ५, ११ आणि १२ एप्रिल रोजी चाहत्यांना एकाच दिवशी दोन सामने पाहता येतील.
पहिल्या २० सामन्यांचे वेळापत्रक असे
२८ मार्च - रॉयल चॅलेंजर्स बंगळुरू वि. सनरायझर्स हैदराबाद, बंगळुरू
२९ मार्च - मुंबई इंडियन्स वि. कोलकाता नाइट रायडर्स, मुंबई
३० मार्च - राजस्थान रॉयल्स वि. चेन्नई सुपर किंग्स, गुवाहाटी
३१ मार्च - पंजाब किंग्स वि. गुजरात टायटन्स, मुल्लानपूर
१ एप्रिल - लखनौ सुपर जायंट्स वि. दिल्ली कॅपिटल्स, लखनौ
२ एप्रिल - कोलकाता नाइट रायडर्स वि. सनरायझर्स हैदराबाद, कोलकाता
३ एप्रिल - चेन्नई सुपर किंग्स वि. पंजाब किंग्स, चेन्नई
४ एप्रिल - दिल्ली कॅपिटल्स वि. मुंबई इंडियन्स, दिल्ली
४ एप्रिल - गुजरात टायटन्स वि. राजस्थान रॉयल्स, अहमदाबाद
५ एप्रिल - सनरायझर्स हैदराबाद वि. लखनौ सुपर जायंट्स, हैदराबाद
५ एप्रिल - रॉयल चॅलेंजर्स बंगळुरू वि. चेन्नई सुपर किंग्स, बंगळुरू
६ एप्रिल - कोलकाता नाइट रायडर्स वि. पंजाब किंग्स, कोलकाता
७ एप्रिल - राजस्थान रॉयल्स वि. मुंबई इंडियन्स, गुवाहाटी
८ एप्रिल - दिल्ली कॅपिटल्स वि. गुजरात टायटन्स, दिल्ली
९ एप्रिल - कोलकाता नाइट रायडर्स वि. लखनौ सुपर जायंट्स, कोलकाता
१० एप्रिल - राजस्थान रॉयल्स वि. रॉयल चॅलेंजर्स बंगळुरू, गुवाहाटी
११ एप्रिल - पंजाब किंग्स वि. सनरायझर्स हैदराबाद, मुल्लानपूर
११ एप्रिल - चेन्नई सुपर किंग्स वि. दिल्ली कॅपिटल्स, चेन्नई
१२ एप्रिल - लखनौ सुपर जायंट्स वि. गुजरात टायटन्स, मुंबई
१२ एप्रिल - मुंबई इंडियन्स वि. रॉयल चॅलेंजर्स बंगळुरू, लखनौ
यंदा स्पर्धेत एकूण ८४ सामने खेळवले जाणार आहेत. २६ मे पासून बाद फेरीला (Playoffs) सुरुवात होईल, तर ३१ मे रोजी बेंगळुरू येथे अंतिम सामना रंगणार आहे.
?ref_src=twsrc%5Etfw%7Ctwcamp%5Etweetembed%7Ctwterm%5E2031723185247580354%7Ctwgr%5Ef0372ee59e9e45ca334027bc337b4dfe13ac9348%7Ctwcon%5Es1_c10&ref_url=https%3A%2F%2Fapi-news.dailyhunt.in%2F