मुंबई, (प्रतिनिधी) २७ फेब्रुवारी - स्मार्टफोन क्षेत्रातील दिग्गज कंपनी सॅमसंग इलेक्ट्रॉनिक्सने आपली बहुप्रतीक्षित 'गॅलेक्सी S26' सिरीज गुरुवारी दिमाखात लाँच केली. जागतिक स्तरावर लाँच झालेल्या या सिरीजमध्ये गॅलेक्सी S26, S26+ आणि S26 अल्ट्रा या तीन मॉडेल्सचा समावेश आहे. तिसऱ्या पिढीतील प्रगत एआय (AI) तंत्रज्ञान, जगातील पहिला प्रायव्हसी डिस्प्ले आणि आतापर्यंतचे सर्वात स्लिम डिझाइन ही या सिरीजची प्रमुख वैशिष्ट्ये आहेत.
एआय आता अधिक नैसर्गिक आणि सहज
"आम्ही गॅलेक्सी S26 मध्ये एआय अनुभव अधिक सहज आणि नैसर्गिक बनवण्यावर भर दिला आहे. एआय पार्श्वभूमीत राहून जटिल कामे हाताळते, जेणेकरून वापरकर्ते त्यांच्या महत्त्वाच्या कामांवर लक्ष केंद्रित करू शकतील," असे सॅमसंगचे सीईओ टीएम रोह यांनी यावेळी सांगितले.
S26 अल्ट्रा: सर्वात स्लिम आणि सुरक्षित
गॅलेक्सी S26 अल्ट्रा हे सॅमसंगचे आतापर्यंतचे सर्वात स्लिम (७.९ मिमी) अल्ट्रा डिव्हाइस आहे. यात जगातील पहिला 'अंगभूत प्रायव्हसी डिस्प्ले' देण्यात आला आहे. सार्वजनिक ठिकाणी फोन वापरताना इतरांना तुमच्या स्क्रीनवरील मजकूर दिसू नये, यासाठी हे हार्डवेअर आणि सॉफ्टवेअरचे विशेष एकत्रीकरण करण्यात आले आहे.
वेगवान कामगिरी आणि दमदार कॅमेरा
प्रोसेसर: यात स्नॅपड्रॅगन ८ एलाईट जेन ५ (Snapdragon 8 Elite Gen 5) हा शक्तिशाली प्रोसेसर आहे.
चार्जिंग: सुपरफास्ट चार्जिंग ३.० मुळे केवळ ३० मिनिटांत फोन ७५% पर्यंत चार्ज होतो.
कॅमेरा: नाइटोग्राफी व्हिडिओ आणि सुपर स्टेडी तंत्रज्ञानामुळे अंधुक प्रकाशातही स्थिर आणि स्पष्ट व्हिडिओ शूट करता येतात. 'एपीव्ही' (APV) स्टँडर्डला सपोर्ट करणारा हा पहिला फोन असून यामुळे उच्च-गुणवत्तेचे व्हिडिओ कमी जागेत साठवणे शक्य होईल.
बिक्स्बी आणि एआय फीचर्सचा धडाका
या सिरीजमध्ये 'नाऊ नज' (Now Nudge) हे नवीन फीचर देण्यात आले आहे, जे वेळेनुसार महत्त्वाच्या सूचना देते. सुधारित 'बिक्स्बी' आता संवादक्षम एजंट म्हणून काम करेल. तसेच जेमिनी आणि परप्लेखिटीसारख्या एआय एजंट्सचे सखोल एकत्रीकरण यात पाहायला मिळते. सुरक्षेसाठी 'नॉक्स मॅट्रिक्स'सह ७ वर्षांचे सिक्युरिटी अपडेट्स देण्याचे आश्वासन कंपनीने दिले आहे.
गॅलेक्सी बड्स ४ सिरीजचे अनावरण
स्मार्टफोनसोबतच कंपनीने गॅलेक्सी बड्स ४ आणि बड्स ४ प्रो देखील सादर केले. प्रो मॉडेलमध्ये ४० किलोहर्ट्झपर्यंतची फ्रिक्वेन्सी रेंज आणि सुधारित नॉईज कॅन्सेलेशन देण्यात आले आहे. हे बड्स व्हाईट आणि ब्लॅकमॅट रंगात उपलब्ध असतील.
