नवी दिल्ली, (प्रतिनिधी) १४ फेब्रुवारी - भारतीय उद्योगपती मुकेश अंबानी यांच्या रिलायन्स इंडस्ट्रीजला जागतिक बाजारपेठेत मोठा दिलासा मिळाला आहे. अमेरिकेने रिलायन्सला व्हेनेझुएलातून थेट कच्चे तेल खरेदी करण्यासाठी विशेष परवाना (License) मंजूर केला आहे. या निर्णयामुळे रिलायन्सला आता कोणत्याही जागतिक निर्बंधांचे उल्लंघन न करता व्हेनेझुएलाच्या तेल खाणीतून थेट तेल आयात करता येणार आहे.
काय आहे नेमका परवाना?
सूत्रांनी दिलेल्या माहितीनुसार, अमेरिकेने रिलायन्स इंडस्ट्रीज लिमिटेडला (RIL) एक 'जनरल लायसन्स' जारी केले आहे. या परवान्यामुळे कंपनीला व्हेनेझुएलाच्या कच्च्या तेलाची खरेदी, निर्यात आणि विक्री करण्याची मुभा मिळाली आहे. रिलायन्सच्या जामनगर येथील जगातील सर्वात मोठ्या रिफायनिंग कॉम्प्लेक्समध्ये या कच्च्या तेलावर प्रक्रिया केली जाईल.
रिलायन्सला होणारा फायदा:
१. खर्चामध्ये मोठी बचत: व्हेनेझुएलाचे कच्चे तेल रशियन तेलापेक्षाही स्वस्त आहे. थेट खरेदीचा परवाना मिळाल्यामुळे मध्यस्थांची गरज भासणार नाही, परिणामी रिलायन्सच्या आयात खर्चात मोठी बचत होईल.
२. रशियन तेलाला पर्याय: सध्या रशियन तेल खरेदी करण्याबाबत काही तांत्रिक अडचणी येत असताना, व्हेनेझुएलाचा हा पर्याय रिलायन्ससाठी अत्यंत महत्त्वाचा ठरणार आहे.
३. रिफायनिंग क्षमतेचा वापर: जामनगर येथील रिफायनरीमध्ये दिवसाला १४ लाख बॅरल तेलावर प्रक्रिया करण्याची क्षमता आहे. स्वस्त कच्चे तेल उपलब्ध झाल्याने या क्षमतेचा पूर्ण वापर करून कंपनी आपला नफा वाढवू शकेल.
डोनाल्ड ट्रम्प यांचाही भारताला दिलासा
नुकतेच अमेरिकेचे राष्ट्राध्यक्ष डोनाल्ड ट्रम्प यांनी भारतावर लावलेला अतिरिक्त २५% टॅरिफ (दंड) रद्द केला आहे. हा टॅरिफ रशियन तेल खरेदी करण्यापासून रोखण्यासाठी लावण्यात आला होता. आता अमेरिकेने स्वतःच व्हेनेझुएलातून तेल खरेदीची परवानगी दिल्याने भारत आणि अमेरिका यांच्यातील व्यापारी संबंध अधिक दृढ होण्याची शक्यता आहे.
रिलायन्सने या वर्षाच्या सुरुवातीला या परवान्यासाठी अर्ज केला होता. आता थेट परवाना मिळाल्यामुळे व्हेनेझुएलाच्या तेल निर्यातीला गती मिळेलच, शिवाय भारतीय बाजारपेठेतील कच्च्या तेलाच्या किमतीवरही याचा सकारात्मक परिणाम होण्याची शक्यता वर्तवण्यात येत आहे.
'सुपरफास्ट नाशिक'चे मुख्य संपादक, ज्येष्ठ पत्रकार आणि लेखक भावेश ब्राह्मणकर यांचे 'अरुणोदय' पुस्तक प्रकाशन पूर्व बुकिंगसाठी उपलब्ध झाले आहे.
प्रथितयश दिलीपराज प्रकाशनाने २५ टक्के घसघशीत सूट त्यासाठी दिली आहे.
पुस्तक बुकिंगसाठी खालील लिंकवर क्लिक करावे
https://www.diliprajprakashan.in/products/arunoday-by-bhavesh-brahmankar
